"Эстетика" бірлестігнің жылдық есебі
«Эстетика» бірлестігінің жылдық есебі
Бірлестік жетекшісі: Г.А.Амреева
№ 30 орта мектеп
2016-2017 оқу жылы
№ 30 орта мектеп 2016-2017 оқу жылы
«Эстетика» бірлестігінің жылдық есебі
Бірлестік жетекшісі: Г.А.Амреева
Бірлестіктің өзекті мәселесі :
Қазақсан - 2030 бағдарламасын басшылыққа ала отырып, білім берудегі тиімді әрі қолайлы әдіс – тәсілдерді пайдалана отырып, шығармашылық қабілеті мол, дені сау, жан – жақты дамыған, білімді, ойлы, шебер азаматтарды тәрбиелеу.
Бірлестік құрамында технология, музыка, сурет, дене тәрбиесі және АӘД пәні мұғалімдері жұмыс жүргізеді. Жоғарғы санатты ұстаз – 1, бірінші санатты ұстаздар – 4.
Бірлестік мүшелері мектепішілік және аудан аралық іс- шараларға белсене араласады.
Атап айтар болсақ, қыркүйек айында өткен «Саламатты – Қазақстан» атты денсаулық фестивалінде дене тәрбиесі мұғалімдері С.Камесхан, Н.Сванкулов түрлі спорттық жарыстар ұйымдастырып, жеңімпаздарды марапаттады.
16.09.16 күні Талғар қаласы Жастар стадионында футболдан оқушылар арасында іріктеу турнирі өтті. Осы турнирде мектебіміздің командасы ІІІ орынға ие болды.
Қыркүйек айының 16-23 аралығында № 23 орта мектебінде өткен аймақтық футбол жарысында 12 мектептің ішінде 5 орынға ие болды.
07.10.16 күні №17 орта мектепте өткен күзгі кросс жарысына 6-11 сыныптар арасында 6 ұл, 6 қыз бала қатысып келді.
21.10.16 ж №17 орта мектебінде «Көңілді старт» сайысы өтті.60м –ге жүгіру, бір орыннан ұзындыққа секіру, қыздар 500м жүгіру,ұлдар 1000м жүгіруден мектебімізден 3 ұл, 3қыз қатысты.
25.11.16 күні №26 орта мектебінде өткен ұлдар мен қыздар арасындағы шахмат жарысына 2 ұл, 2 қыз қатысып, 2-орынды иеленді.
09.12.16ж № 38 орта мектебіндегі тоғызқұмалақ ойынынан өткен жарысқа мектебімізден 2 ұл, 2 қыз қатысты.
13.12,16ж Тәуелсіздігіміздің 25 жылдығына орай мектебімізде аймақтық баскетболдан мұғалімдер арасында жарыс өтті. Жарысқа № 12,37,11,14 мектеп мұғалімдері Нұра ауылдық ауруханасының баскетбол командалары қатысты.
Осы жарыста мектебіміздің мұғалімдер командасы І орынға ие болды.
03.02.17ж баскетболдан №26 орта мектебінде ұлдар арасындағы жарыстан ІІІ орын иеленді.
17.02.17ж баскетболдан №7 орта мектебінде қыздар арасындағы жарыстан ІІ орын иеленді.
03.03.17ж ұлдар арасындағы валейболдан №12 орта мектебінде өткен жарыстан ІІІ орын иеленді.
07.04.17ж Дүниежүзілік денсаулық күніне арналған мектебіміздегі сыныптар арасында мектепішілік кросс өтіп, барлық оқушылар қатысты.
28 сәуір мен 1 мамыр аралығында Іле ауданы № 32 орта мектебінде КСРО білім беру ісінің үздігі, ҚР ұлағатты ұстазы Рахимов Болат Қанапияұлының 60 жасқа толуына орай облыстық «Былғары қолғап» атты бокстан жасөспірімдер арасындағы турнирден мектебіміздің оқушылары 2 алтын, 1 қола медаль алды.
Дене шынықтыру пәні мұғалімі Камесхан Сейілбеарк наурыз айында өткен мектепішілік «Жыл мұғалімі – 2017» сайысында жүлделі ІІ орынға ие болды.
Технология, сурет пәні мұғалімі К.Н.Чаймерденова үнемі мектептің іс –шараларының безендірілуіне белсене араласады. Күз мерекесінде қолөнер бұйымдары мен сурет көрмелерін ұйымдастырды. Тәуелсіздіктің 25 жылдығына орай мектебімізде сурет көрмесін жасады. Көрмеден үздік деп танылған 6а сынып оқушысы Идеят Диананың туындысын республикалық «Нұрлы Жастар» байқауына қатыстырып, І дәрежелі дипломант атанып, жетекшісі Чаймерденова К.Н. алғыс хатпен марапатталды
.
Мерекелерге арнап қыздарымызға түрлі ұлттық киімдерді тігеді
.
Сондай –ақ жаңа бағдарлама бойынша аудандық, аймақтық және облыстық семинарға үнемі қатысып тәжірибе алмасып отырады. Атап айтар болсақ, Өстемір ауылындағы №14 орта мектепте өткен «Жаңа білім беру бағдарлама әдістері» атты аймақтық және Назарбаев Зияткерлік мектебінде өткен облыстық семинарлар.
Музыка пәні бойынша қазан айында өткен республикалық Алматы қаласының 1000 жылдығына орай өткізілген «Алматым - жүрегімде» атты байқауда Бауыржанқызы Балжан І дәрежелі лауреат, Серік Ділдарай
ІІ дәрежелі лауреат атанып,сыйлықтар алды.
Қараша айында аудан аралық балалар шығармашылығын шыңдау мақсатында өткен «Күз – береке,күз - мереке» атты байқауда 9 «А» сынып оқушысы Есболат Атипа жүлделі ІІ орынды, қыздар би тобы ІІІ орынды иеленді.
Қарашаның 26 – сы күні Нұра ауылдық мәдениет үйінде өткен аудандық өзге ұлттар арасында ұйымдастырылған «Қазақ тілім – анамның тілі » атты ән байқауында Ансарова Амина жүлделі І орынға, Каримова Милана ІІІ орынға ие болды.
Желтоқсан айында Алматы қаласында өткен Ғұмырдария орталығы ұйымдастырған «Жырлайды жүрек» байқауында 6 сынып оқушысы Какім Мағрипа ІІ дәрежелі лауреат атанды.
Тәуелсіздік мерекесінде де осы мектеп жұлдыздарымен патриоттық тақырыпта ән – би дайындап, оқушылардың бойына ұлттық өнерді дарыта білді.
Қаңтар айында өткен «Сырым бар жүрегімде» атты Нұрлы Жастар орталығы ұйымдастырған республикалық ән-би байқауында 7а сынып оқушысы Мелис Жасмин, 6а сынып оқушысы Какім Мағрипа, 3б сынып оқушысы Ғазиз Дана І дәрежелі дипломант атанып, арнайы дипломмен және медальдармен марапатталды.
Қаңтар айында мектеп ұстаздарымен тәжірибе алмасу мақсатында «Музыка пәнінде жаңа технология элементтерін қолдану» атты семинар өткізді. Семинарда «Абай және оның әндері» тақырыбында 3 сыныпта өткен сабағы арқылы жаңа технология элементтерін сабақта қолдану әдістерімен бөлісті. Ұстаздар тарапынан жақсы қолдауға ие болды.
Ақпан айында ақиық ақын М.Мақатаевтың туылған күніне орай «Мен өмірді жырлау үшін келгенмін» атты әдеби – музыкалық кеш өткізді. Кеште оқушылар ақын өлеңдері мен сөзіне жазылған әндерді шырқап, би биледі.
9б сынып оқушылары ақын өмірінен алынған көрініс көрсетті. «Аққулар ұйықтағанда» поэмасының бейнебаянын тамашалап оқушылар мен ұстаздар жақсы әсер алды.
7а сынып оқушылары Мұсабек Мерей мен Ракишева Анеляның орындаған «Шалкөде» биі мен 7б сынып оқушысы Мадаққызы Балдырғанның «Саржайлау» биі көрермендердің ыстық ықыласына бөленді.
Сондай – ақ, 8 наурыз және 22 наурыз мерекелерінде мектеп оқушыларымен бірге мерекелік концерттер беріп, көрермендер көңілінен шығып келеді.
Осы оқушылардың жетекшісі музыка пәні мұғалімі Г.А.Амреева сәуір айының 28 күні өткен аудандық есеп беру концертінде оқушыларымен өнер көрсетіп, және аудандық мәдениет үйінің мақтау қағазымен марапатталды.