"Лингвистика" бірлестігінің онкүндігінің қорытындысы
«Лингвистика» бірлестігінің он күндігінің қорытындысы
Әдістемелік жұмыстар жоспары бойынша 2018 жылдың 22 қаңтарынан 01 ақпанға дейін «Лингвистика» тілдер бірлестігінде дәстүр бойынша « Тіл-достықтың тірегі» атты пәндік он күндігі өткізілді. Бұл апталық оқушылардың сабақтағы және сабақтан тыс жұмыстарын ұйымдастыруға заман талабына сай жол таба білуге арналды.
Өткізу міндеттері:
- оқушылардың танымдық әрекеттерін жандандыру;
- оқушылардың пәндерге қызығушылықтарын жетілдіру;
- шығармашылық қабілеттерін дамытуға көмектесу;
- дарынды оқушыларды анықтау;
- тапсырылған іске деген жауапкершілікті, ұйымда жұмыс істей білуді қалыптастыру, әлемге деген өнегелік
–эстетикалық қарым-қатынысқа тәрбиелеу
- мұғалімдердің заманауи педагогикалық технологияларға деген қығушылықтарын
Көтеру.
Пәндік он күндікті өткізу мына негізде құрылды:
Пәндік онкүндікті өткізу бағдарламасы оқу ісінің әртүрлі формалары мен әдістерін көрсетті. Оқушылардың ойлау қабілеттерін белсенді жетілдіру мақсатында сайыстар, викториналар, ашық сабақтар және сыныптан тыс іс- шаралар өткізілді.
Әдістемелік бірлестіктің жетекшісінің міндетін атқарушы Д.А.Айдосова он күндік өткізудің мынадай жоспарын құрды.
№ | Іс-шара | Сынып | Күні | Жауапты |
1 | «Тіл –достықтың тірегі» атты онкүндіктің ашылу салтанаты | - | 22.01. | Бірлестік мүшелері |
2 | «Менің атым Қожа» /ашық сабақ/ | 5 «А» | 23.01. | Нахимова Ж. |
3 | «Струны великой степи»/ ашық сабақ/ | 5 «Б» | 23.01. | Бейсебаева Қ.Н. |
4 | «Мен ағылшын тілін білемін» /ашық сабақ/ | 1 «Ә» | 24.01 | Азимбаева Б.С. |
5 | «Ана тілім-болашағым,ертеңім! /әдеби ойын-сайыс | 5 «Б»,6 «Б»,7 «А» | 24.01. | Айдосова Д.А. |
6 | «Өткен шақ» /ашық сабақ/ | 6 «Б» | 24.01. | Шынасылова Г.Ж. |
7 | «Умники и умницы» / сыныптан тыс жұмыс/ | 5 «А»,5 «Б» | 25.01 | Бейсебаева Қ.Н. |
8 | «Әдебиет көшбасшысы» /сыныптан тыс/ | 7-9 сыныптар | 26.01. | Нахимова Ж. |
9 | Г.Сенкевич «Янко-музыкант» /ашық сабақ/ | 6 «Б» | 26.01. | Омарова Б.Т. |
10 | «Саяхат» /сыныптан тыс жұмыс/ | 6 «А» | 29.01 | Азимбаева Б. |
11 | «Әлеуметтік желіні пайдаланамын» | 7 «А» | 29.01. | Айдосова Д. А. |
12 | «Жануарлар еліне саяхат» | 2 «а», «ә», «б» | 30.01 | Шынасылова Г.Ж. |
13 | Тема защиты природы в романе «Плаха» | 8 «Б» | 31.01 | Омарова Б.Т. |
14 | Онкүндіктің қорытындысы | - | 01.02 15.00 | «Лингвистика» бірлестігінің мүшелері |
Барлық межелеген іс-шаралар уақытында, жоспарға сәйкес өткізілді. Он күндік жоғарғы әдістемелік деңгейде, ұйымдасқан түрде өткізілді. Мұғалімдердің басым көпшілігі жақсы ұйымдастырушылық қабілеттерін көрсетіп, жоспарланған іс-шараларды өз деңгейінде өткізуде шеберліктерін көрсетті. Оқушылар қазақ тілі және әдебиеті, орыс тілі және әдебиеті, ағылшын пәндерден жақсы білімдерін көрсетті, өздерінің білімдерін әр түрлі жағдайда қолдана білді, топтық жұмыс кезінде бір-біріне қолдау көрсетіп , күрделі сұрақтардың қиын жауаптарын тапты.
Апталық, мектеп фоесінде ілінген қабырға газетінде аталған пәндерден түрлі викториналық сұрақтарды шешуден және ребустарды шешуден басталды. Оқушылар берілген тапсырмаларды шын ниеттерімен орындады.
Қазақ әдебиетінен Нахимова Жадыраның 23 қаңтарда 5 «А» сыныбында өткен «Менің атым Қожа» атты сабағы сабақ мақсаттарына жеткен тартымды сабақ болды. Сабақта мұғалім қол жетімді ресурстардың бәрін пайдаланды. Үй тапсырмасы, жаңа сабақтың мақстын ашу , тақырыпқа байланысты сұрақтардың бәрі дерлік интербелсенді тақта арқылы жүргізілді . Әсіресе Қожа мен Жантастың жағымды және жағымсыз жақтарын оқушылар топ болып постер арқылы аша білгені ұтымды болды.
23.01.18 күні Бейсебаева Қарлығаш Нареновнаның 5«Б» сыныбында өткен
«Струны великой степи» атты ашық сабағы сабақ жоспарында көрсетілген сабақ мақсаттарының орындалуына негіз болды. Сабақтың тақырыбын ашуда Құрманғазының күйі орындалып оқушыларды да, ашық сабаққа қатысып отырған мұғалімдерді де Сарыарқаға сапар шеккізгендей әсер қалдырды. Қарлығаш Нареновна өз пәнін жетік меңгерген, деңгейлік курстан да, жаңартылған бағдарламадан да алған білімін сабақтың барлық кезеңдерінде ұтымды пайдалана алады. Бұл мұғалімнің әрбір сабағынан жағымды әсер алуға , тәжірбие алмасуға болады.
24 қаңтарда 7 «А» сыныбымен «Әлеуметтік желіні пайдаланамын» атты ашық сабағында Д.А.Айдосова өз пәнінің шебері екендігін көрсете алды. Сабақ топтық жұмыс түрінде жүрді. Сабақта оқушылар 100 пайыз қатысты десек артық айтпас болады. Д.Айдосованың кез- келген сабағын алсаңыз да оқушылардың ережеге жетік екендігін көруге болады. Етістіктің түрлері мен шақтарына мысалдар көптеп келтіріліп , түрлі деңгейдегі тапсырмалар орындалды. АКТ –ны да орнымен қолданып, «тыңдалым» , «оқылым», « жазылым» тапсырмаларын орындауда ұтымды әдістерді пайдаланды. Оқушылардың жауаптарынан тек ашық сабақтан ғана емес, күнделікті сабақтан оқыған-түйгендері мол екендігін байқауға болады.
24 қаңтарда ағылшын тілінен «Өткен шақ» тақырыбында 6 «Б» сынып оқушыларымен ашық сабақты жас маман Шынасылова Гульмира өткізді. Жас келсе іске демекші, жас маманның сабақ беру шеберлігі шыңдала түскен, сынып оқушылары да ағылшын тіліне қызығушылық танытып, мұғалімнің қолдау көрсетуімен сабаққа деген қызығушылығын таныта білді.