Тілдер мерекесі
Қазақстан халықтарының Тілдері мерекесіне орай өткізілетін
«Тілімде менің әнім менен сәнім бар...» атты апталықтың
өтілу барысы туралы анықтама
Жалпыға бірдей білім беретін №30 орта мектебі.2017-2018 оқу жылы
18.09 - 22.09.17 аралығында Қазақстан халықтарының Тілдері мерекесіне орай «Тілімде менің әнім менен сәнім бар...» атты апталық өтті.
Мақсаты: оқушыларды елін, тілін сүюге, онда тұратын халықтарға,олардың салт-дәстүріне құрметпен қарауға тәрбиелеу.
Апталық кезінде «Тіл – таным» сайыс сабағы,үш тілде мәнермен өлең оқу сайысы , негізгі тақырыпта эссе,шығармалар байқауы мен 22 қыркүйекте Салтанатты кеш өткізілді. Сонымен бірге бастауыш сыныптар бойынша «Өнер алды – қызыл тіл» тақырыбында ән,би,өлең оқу т.б ұйымдастырылды.
5-8-сыныптар аралығын қамти қазақ тілі мен әдебиеті пәндері бойынша өткізілген «Тіл – таным» сайыс сабағы 5 кезеңнен тұрды. Оқушылар «Жауқазын», «Күзгі жапырақ», «Тіл жанашырлары» аттытоптарға бөліне, әр бөлім бойынша сайысқа түсті
І. «Тапқыр болсаң тауып көр».
ІІ.Кейіпкерлер әлемі.
ІІІ. Сөз тапқанға қолқа жоқ».
ІҮ. Ойлы болсаң озып көр».
Ү.Салт-дәстүр – асыл қазынам.
Оқушылар белсенділіктері мен білімділіктерін жан-жақты таныта алды. Тапсырмаларда әдебиет кейіпкерлері, салт-дәстүрге қатысты ұғымдар, қазақ тілінен тұрақты тіркестер т.б.қамтылды. Сайыстан «Тіл жанашырлары» тобы алға шықты.
Орыс тілі мен ағылшын тілі пәні мұғалімдері Қ.Н.Бейсебаева, Г.Ж.Шынасылова ұйымдастыруымен өткізілген үш тілде «Мәнерлеп өлең оқу» сайысына әр сыныптан өз қалауларымен көптеген оқушылар қатысты. Қазақтың ұлы ақыны Абайдан бастап, кейінгі ақындар, орыс әдебиеті өкілдерінің өлеңдері, ағылшын тілінде аударма өлеңдер де айтылды.
Бұл мерекеден бастауыш сынып оқушылары да қалыс қалған жоқ.
1-4-сыныптар бойынша өлең оқу, ән, хор айтумен бірге, нақыл сөздердің мәнін түсіну, түсіндіру мақсатында көріністер қою сияқты шаралар қамтылды.
Апта ішінде эссе,шығарма жазудан байқау өткізіліп, үздік жұмыс иелері марапатталды. Атап айтқанда, 10-сынып оқушысы Д.Аршан, 9-сынып оқушылары А.Мұратқызы, Н.Нұрмұхамбетова, 8-сыныптан А.Сарсембаева жұмыстары тақырыпты ашқан, өз ойларын бүгінгі күн мәселелерімен байланыстыра бере білген.
Салтанатты кештің жоспарына:
1.Ән шашу (өз таңдауларымен бір ұлттың ән айту нақышына салып өнер көрсету)
2.Мәнермен өлең оқу (өз қалауымен таңдаған тілде өлең немесе қарасөз оқу)
3. Би ( өз таңдауымен бір ұлттың би өнерін ұлттық киімінде көрсету) кіргізіліп, өткізілді.
Кеш барысында қазақ, орыс, түрік, ұйғыр, корей ұлттарының өнері мен өлеңі бірге өрілді. Өнерлі оқушылар Үнді халқының биі мен қазіргі жастар биін де көрсетті. Кеш соңында әр сыныптың оқушылары жеке-жеке марапатталды.
7 б сынып оқушылары ұлттық би нақышымен
Қорытындылай келгенде, мектеп оқушыларының талабын ұштап, талантын шыңдаған сынып жетекшілері А.Т.Ақпаева, Б.С.Азимбаева, Б.Нахимова, Н.Сарсенбаева және «Лингвистика» бірлестігі мүшелерінің еңбектерін атап кеткен артық болмас.
Тіл мерекесі биылғы жылы да өзінің жарқын ізімен көптің есінде қалды.
«Лингвистика» бірлестігінің жетекшісі Г.К.Жандилдаева